Skriðuvatn er í Skriðdalshreppi. Það er 1,25 km², dýpst 10 m og er í 155 m hæð yfir sjó. Öxará og Vatnsdalsá renna til þess og úr því fellur Múlaá, sem sameinast Geitdalsá úr Norðurdal og eftir það heitir áin Grímsá.  Hringvegurinn nr. 1 liggur meðfram því endilöngu. Allmikið af urriða er í vatninu, allt upp í 5 pund. Veiðistaðir eru margir og fjöldi stanga er ekki takmarkaður. Netaveiði er ekki leyfð, þótt hún yrði líklega til verulegra bóta.

Leyfilegt er að veiða á milli kl. 8.00 til kl. 22.00.