Rekavatn er í Skagahreppi í A-Húnavatnssýslu.  Það er 0,8 km², dýpst 3 m og 1-2 m hæð yfir sjó.  Hafnaá rennur til þess auk Stóralækjar úr Torfdalsvatni.  Lágur malarkambur, sem sjór gengur yfir í hafróti, er milli vatnsins og sjávar.  Þjóðvegurinn liggur í 600-700 m fjarlægð frá vatninu.  Í vatninu eru sjóbleikja og vatnaurriði, sem hafa svo mikið æti úr sjónum, að stangaveiði er erfið.

Vegalengdin frá Reykjavík er 297 km um Hvalfjarðargöng og 30 frá Skagaströnd.