Miðheiðarvötn eru nokkur í hvirfingu á miðri Tröllatunguheiði og tilheyra Kirkjubólshreppi í Strandasýslu. Þau eru 0,7 km², nokkuð djúp og í 460 m hæð yfir sjó.

Frá þeim renna upptök Hrófár til norðurs í sunnanverðan Steingrímsfjörð. Þjóðleiðin um heiðina liggur rétt við þau. Ágæt bleikja er í þeim, en seiði voru sett í vötnin í kringum 1965. Spónn og fluga duga vel. Netaveiði er ekki stunduð.

Vegalengdin frá Reykjavík er um 188 km um Hvalfjarðargöng og 25 km frá Hólmavík.