Þetta er þriggja stanga sjóbleikjuá með slangri af urriða og 10-20 laxa á sumri. Hún gefur 5-600 bleikjur. Þar er þokkalegt veiðihús, kynt með gasi. Stangaveiðifélag Keflavíkur leigir og selur.

Hrolleifsdalur gengur suðaustur í Tröllaskagann frá Sléttuhlíð móts við bæinn Tjarnir. Þar eru einu skógarleifar, sem finnast í Skagafirði. Hríslurnar þar voru friðaðar snemma á 20. öld. Byggð er öll komin í eyði í dalnum. Hrolleifur landnámsmaður var mikill kappi en óvinsæll. Hann varð m.a. Ingimundi gamla í Vatnsdal að bana eftir að hann hafði skotið skjólshúsi yfir hann að afloknum öðrum vígum.