Blönduvötn eru í Hraunhreppi í Mýrarsýslu. Stærð þeirra er 0,26 km², dýpst 3 m og eru í 38 m hæð yfir sjó. Blöndulækur rennur úr þeim í Álftá. Bæjartjörn og Álftatjörn eru norðan og vestan vatnanna. Gönguleiðin að þeim er u.þ.b. 1 km frá Brúarlandi.

Góður fiskur er í vötnunum, feitur urriði, sem veiðist helst snemma vors, 1-2 pund. Einnig er hægt að krækja í sjóbirting og vatnableikju. Fjöldi stanga er án takmarkana. Veitt hefur verið í net síðan 1960 og gefist vel.

Vegalengdin frá Reykjavík er 90 km  um Hvalfjarðargöng og 16 frá Borgarnesi.