Arnarvatn hið stóra er í 540 m hæð yfir sjó, 4,3 km², alldjúpt og vogskorið. Við eina aðalvíkina, Sesseljuvík áttu Húsfellingar veiðistöð. Úr henni fellur Austurá. Hólmavík heitir suðausturhluti vatnsins og í hana fellur Skammá úr Réttarvatni. Norðausturflóinn heitir Atlavík. Það er mikið af bleikju og urriða í vatninu en eins og jafnan veiða menn mismikið. Veiðileyfin gilda á öllu svæðinu og í efsta hluta Austurár. U.þ.b. þriðjungur aflans er urriði. Best er að renna á morgnana og kvöldin.  Tjaldstæði eru víða ágæt við og gisting í skála og sumarhúsum eru við vatnið. Vegurinn frá Laugarbakka er fær flestum aldrifsbílum og leiðin frá Kalmanstungu í Borgarfirði er erfið í vætu. Það er ekki hægt að aka meðfram vatninu.Flugvöllur er merktur sunnan Sesseljuvíkur.

Arnarvatn var snemma frægt í sögunni fyrir mikla veiði og þar höfðust oft við útlagar. Grettistangi gengur út í vatnið að norðaustan. Þar eru kofarústir, sem vert er að skoða.

Svartarhæð (593m) er allstór hæð sunnan Arnarvatns stóra.  Sumir telja hana ná alla leið suður að Krókavatni, en aðrir segja nafnið aðeins ná yfir hlutann næst Arnarvatni.  Hæðin er lítt gróin, aðeins sést í nokkrar mosaþembur.  Leggjarbrjótstjarnirnar fjórar eru vestan hennar og Leggjarbrjótslækur rennur frá þeim.

Vegalengdin um Laugarbakka frá Reykjavík er u.þ.b. 232 km um Hvalfjarðargöng og 55 km frá Laugarbakka. Sé ekið um Kaldadal er vegalengdin u.þ.b. 200 km frá Reykjavík.

Arnarvatnsheiði og Tvídægra: www.arnarvatn.com
Frá Norðurlandi um Laugarbakka og Víðidal
Veiðifélag Arnarvatnsheiðar og Tvídægru:
Arnarvatn Stóra Rafn Benediktsson 892-7576
Theodór Pálsson veiðivörður 
S: 8430483
Eiríkur Pálsson veiðivörður
S: 8932449

2011

• Veiðileyfi til 15 júlí. 4.500 kr pr dag.
• Veiðileyfi frá 15 júlí 3.300 kr pr dag.
• Veiðileyfi frítt fyrir 14 ára og yngri (ferming)
• Gisting 2.000 kr pr mann á sólarhring í stóra skála
• Dísarbúð 12.200 kr á sólarhring
• Litlu hús 6.800 kr á sólarhring
• Gjald fyrir hest í hólfi 575 kr sólarhring, með heyi.
• Gjald fyrir bát 875 kr pr klst.