Fyrir 1950 rann Jökulsá á Breiðamerkursandi beint undan jökli u.þ.b. 1½ km til sjávar. Síðan hefur jökullinn hörfað og sístækkandi lón myndazt. Meðalrennsli árinnar er 250-300 m³/sek. og stórir ísjakar brotna af jökuljaðrinum, sem er á floti í vatni. Jökullinn hljóp fram síðla vetrar 2009 og kefldi svo mikið á eftir, að Lónið stækkaði.  Dýpið var mælt sumarið 2009 og reyndist vera 284 metrar. Áin styttist stöðugt vegna brimrofs og árið 1998 var hún varla meira en 500 m. Yfirborð lónsins hefur lækkað stöðugt, þannig að það gætir sjávarfalla í því. Það þýðir einfaldlega, að hlýrra vatn streymir inn í það á flóði og ísinn bráðnar mun hraðar en fyrrum. Bæði loðna og síld ganga inn í lónið og elurinn eltir ætið.

Víða má sjá æðarfugl syndandi milli jakanna. Það er ógleymanlegt að sigla með bátunum um lónið og virða fyrir sér litaskipti íssins og ótrúlegar höggmyndir náttúrunnar. Þar er rekin bátaútgerð fyrir ferðamenn og þar er lítið veitingahús. Kynnisferðir hf. hefur viðkomu við lónið á hverjum degi á sumrin, frá Skaftafelli í dagsferðum. Meira undir áhugaverðir staðir! 

Skaftafell 64 km <Jökulsárlón> Höfn 78 km.
.

Hótel Gistihús	Bænda- gisting	Farfugla- heimili	Tjald stæði	Sumar hús	Matsala kaffihús	Bankar Sparisj	Söfn Gallerí	Áhugav. staðir	Sund laugar
Upplýs ingar	Golf vellir	Veiði staðir	Hesta leigur	Báts ferðir	Snjó sleðar	Flug vellir	Áætl. bílar	Bíla leigur	Bensín- stöðvar