Flókalundur er í Vatnsfirði á Barðaströnd. Það er óhætt að fullyrða, að þetta svæði sé meðal hinna allrafegurstu á landinu og landið allt víði vaxið.  Það er friðað að hluta síðan 1975. Vatnsfjörður er þekktur úr sögunni vegna landgöngu Hrafna-Flóka, sem gaf landinu nafnið, sem festist við það. Þjónusta við ferðamenn er í örum vexti og stendur margt í boða og m.a. veiði í Vatndalsvatni og Vatndalsá og kajakaferðir á firðinum. Í utanverðum Vatnsfirði að vestan er hið forna höfuðból og kirkjustaður  Brjánslækur, viðkomustaður ferjunnar Baldurs. Skammt ofan við Brjánslæk er Surtarbrandsgil, friðlýst náttúruvætti. Þar eru steingerðar plöntuleifar frá hlýskeiðum ísaldar. Bjarni Pálsson og Eggert Ólafsson veittu staðnum athygli og lýstu honum um miðbik 18. aldar.

Hellulaug er undir klettum niðri í fjöru neðan eyðibýlisins Hellu, rétt við Flókalund.  Hún er grjóthlaðin og steypt, um 4 x 3m og 50-70 sm djúp.  Vatnið rennur úr borholu uppi á klettinum á svipuðum stað og gamla Hellulaugin var.  Vatnið í lauginni er 38°C og sýrustigið (pH) 9,96.  Gestir eru beðnir um að ganga vel um laugina.

Krossholt er þéttbýliskjarni við Hagavaðal skammt vestan Brjánslækjar í landi Kross.  Sundlaug var byggð árið 1948 á Krossholtum.  Félagsheimilið Birkimelur var vígt 1962.  Þarna er grunnskóli með átta bekkjum og útibú frá kaupfélagi Barðstrendinga.  Hitaveita er á Krossholti.

Vegalengdin milli Reykjavíkur og Flókalundar er 341 km um Hvalfjarðargöng en 159 km styttri, ef siglt er með Baldri milli Stykkishólms og Brjánslækjar.

Patreksfjörður 61km, Ísafjörður 116 km, Byggðasafnið að Hnjóti 53 km, Látrabjarg 75 km < Flókalundur - Brjánslækur > 6 km, Bjarkarlundur 126 km.
.

Hótel/ Gistihús	Bænda- gisting	Farfug.- heimili	Tjald svæði	Sumar hús	Matsala	Bankar	Söfn	Áhugav. Staðir	Sund laugar
Upplý singar	Golf vellir	Veiði staðir	Hestal eigur	Bátsf. Ferjur	Snjó sleðaf.	Flugv. Flugfél.	Áætlu. bílar	Bíla leigur	Bensín- stöðvar