Selasetur Íslands var opnað formlega hinn 25. júní 2006. Setrið er eignarhlutafélag með 89 hluhöfum. einstaklingum, fyrirtækjum og félagasamtökum.
Eitt markmiða setursins er að auka þekkingu almennings á selum við Ísland. Á sýningu þess geta gestir m.a. fræðst um:
 

• Seli og nánasta umhverfi þeirra
• Nýtingu selsins í aldanna rás
• Þjóðsögur tengdar selum
• Sigurð Norland frá Hindisvík, frumkvöðul í umhverfisvernd við Vatnsnes.

Á Vatnsnesi fá ferðamenn einstakt tækifæri til að skoða seli, bæði útsel og landsel, í sínu náttúrulega umhverfi, þótt landselurinn sé þar mun algengari. Selasetur Íslands og Ferðamálastofa hafa tekið höndum saman um að gera sellátur á Vatnsnesi örugg og aðgengileg fyrir gesti, með hugmyndafræði sjálfbærrar þróunar og umhverfisverndar að leiðarljósi. Aðalmarkmið uppbyggingarinnar er að takmarka neikvæð áhrif ferðamanna á viðkvæmt vistkerfi strandarinnar. Selasetur Íslands gefur upplýsingar um hvernig ber að umgagnast seli í látri.

Selaskoðunarbáturinn Áki fer frá höfninni rétt neðan við setrið. Nánari upplýsingar um ferðir Ákans fást í Selasetrinu.

Lesið meira um Selasetur Íslands á Selasetur Íslands - Heimasíða.
.